ఓటమి

జీవితంలో ఎన్నోసార్లు ఓటమి ఎదురవుతుంది. ఓటమి భయాన్ని వదిలించుకుని ముందుకు వెళ్లాలి. ఒక్కోసారి ఆ ఓటమి లేదా కుటుంబ ఆర్థిక పరిస్థితులు మిమ్మల్ని నిరాశలోకి నెట్టేస్తాయి. అలాంటప్పుడు కొంతమంది జీవితాన్ని ముగించేయాలన్న నిర్ణయం తీసుకుంటారు. ఆ సమయంలో మీకు కావాల్సింది మీలో ఆత్మవిశ్వాసాన్ని నింపే స్ఫూర్తి. ఒక మంచి స్నేహితుడు మీలో స్ఫూర్తినింపగలడు.ప్రతిసారీ మీ స్నేహితుడు మీ పక్కన ఉండకపోవచ్చు. అలాంటప్పుడు మీరు ఇక్కడ ఇచ్చిన స్ఫూర్తి వాక్యాలను మీ ఫోన్ లో భద్రపరచుకోండి. మీకు నిరాశ కమ్మినప్పుడు,జీవితంలో ఏదీ సాధించలేం అన్నప్పుడు ఈ మోటివేషనల్ కోట్స్ చదవండి. ఖచ్చితంగా మీలో కొత్త అసలు చిగురిస్తాయి. స్ఫూర్తి రగులుతుంది. జీవితంపై అసలు పెరుగుతాయి. జీవితాన్ని ముగించేయాలన్న కోరిక చచ్చిపోతుంది. కొత్త ఉత్సాహంతో ముందడుగు వేస్తారు.

మోటివేషనల్ కోట్స్

1. దృఢసంకల్పం,తరగని ఆత్మవిశ్వాసం,బలమైన కోరిక

ఈ మూడు ఉన్నచోట విజయం తప్పక వచ్చి తీరుతుంది

2. గెలవకపోవడం ఓటమి కాదు మళ్ళీ ప్రయత్నించక పోవడమే అసలైన ఓటమి

3. గొప్ప ప్రయత్నాలు, గొప్ప ఆలోచనలన్నీ హేళనతోనే మొదలవుతాయి

4. జీవితం ఎన్నడూ నువ్వు ఎదురుచూస్తున్నట్లు మారదు కానీ నువ్వు ఎదురుచూస్తున్నట్లు నువ్వే మార్చుకోవచ్చు అది కూడా నువ్వు ప్రయత్నిస్తేనే.

5. భయపడుతూ కూర్చుంటే బతకలేరు అడుగు ముందుకు వేసి చూడు..గెలుపు దక్కితే అది నిన్ను మరింత ముందుకు నడిపిస్తుంది..ఓటమి ఎదురైతే ఒక అనుభవాన్ని మిగులుస్తుంది ఏదైనా మీ మంచికే

6. పర్వతాన్ని చూసి నిరుత్సాహపడకండి మీరు ఆ పర్వతాన్ని ఎక్కితే అది మీ పాదాల కింద ఉంటుందని గుర్తుంచుకోండి

7. ఓర్పు అనేది ఎంత చేదుగా ఉంటుందో దాని వల్ల లభించే ప్రతిఫలం అంత తీయగా ఉంటుంది

8. ప్రపంచంలోని చీకటంతా ఏకమైనా కూడా ఒక చిన్న దీపం వెలుగును అడ్డుకోలేదు లక్ష్యసాధనకు పట్టుదల తోడైతే మీ విజయాన్ని ఎవరూ ఆపలేరు

9. దేనికైతే నువ్వు భయపడి వెనకడుగు వేస్తావో అదే నిన్ను మళ్ళీ మళ్ళీ వెంటాడుతుంది ఒక్కసారి దానికి ఎదురెళ్లి చూడు..ఆ భయమే దూరంగా పారిపోతుంది

10. మీరెలా ఆలోచిస్తే అలాగే తయారవుతారు బలహీనులమని అనుకుంటే మీరు బలహీనులే అవుతారు..మీరు శక్తివంతులం అనుకుంటే మీరు మరింత శక్తివంతంగా తయారవుతారు ఎలా ఆలోచించాలో మీరే నిర్ణయించుకోండి

11. విధి వెయ్యి తలుపులు మూసేసినా..ఒక్క ప్రయత్నం చేసి చూడండి కనీసం ఒక్క కిటికీ అయినా తెరుచుకుంటుంది

12. యుద్ధం తప్పదనుకుంటే అరచేయి కూడా ఆయుధమవుతుంది వద్దనుకుంటే గొడ్డలి కూడా కట్టెలు కొట్టుకుంటుంది..మీ సంకల్పబలం ఒక్కటే నిజం, మిగిలినదంతా కల్పితం

13. కెరటాన్ని ఆదర్శంగా తీసుకోండి అది ఎన్నిసార్లు పడినా అన్నిసార్లు లేవడానికి ప్రయత్నిస్తుంది..మీరు కూడా ఎన్ని ఓటములు ఎదురైనా విజయం దక్కే వరకు పోరాడుతూనే ఉండండి

14. లక్ష్యం కోసం అలుపెరగకుండా శ్రమిస్తే నేడు కాకపోయినా రేపైనా విజయం మీ సొంతం అవుతుంది

15. జీవితంలో విజయం సాధించడానికి ముందుగా మనల్ని మనం నమ్మాలి..మనల్ని మనం ప్రేమించుకోవాలి

16. నీ గమ్యం ఎంత ఎత్తులో ఉన్నప్పటికీ

దానిని చేరుకునే మార్గం మాత్రం మీ పాదాల కిందనే మొదలవుతుంది

17. పనిచేసిన ప్రతిసారి సత్ఫలితాలు రాకపోవచ్చు

కానీ ఏ పని చేయకపోతే ఏ ఫలితము రాదు

18. నీ జీవితం నీది ఎవరు నీతో వచ్చినా, రాకపోయినా

నీ ప్రయాణాన్ని ఆపకు నీకు నువ్వే తోడు

19. విజయం కావాలని కోరుకుంటున్నారా? అది అసాధ్యం. సక్సెస్ మీ వెంట రావాలంటే ఖచ్చితంగా మీరు కష్టపడి తీరాలి. విజయానికి దగ్గర దారి ఏదైనా ఉందంటే అది కష్టపడడమే. కొంతమంది ఎలాంటి కష్టం లేకుండానే విజేతగా నిలవాలని కోరుకుంటారు. అలాంటి వారికి దక్కేది ఏమీ ఉండదు.విజయం దక్కాలంటే ప్రతి మనిషిలో ఉండాల్సింది కృషి, పట్టుదల. అలాగే జీవితంలో ఏదైనా సాధించాలనే తపన. ఈ మూడే మనల్ని విజయతీరాలకు చేరుస్తాయి. విజయమంటే ఏదో ఒకటి సాధించడం కాదు, మీరు కావాలనుకున్నది, మీ జీవితంలో విలువైనదిగా భావించేది గెలిచి చూపించండి. అప్పుడే మీ మనసు సంతృప్తిని పొందుతుంది.

నిజమైన స్నేహానికి నిదర్శనమేది?

నిజమైన స్నేహానికి నిదర్శనమేది?

‘‘నిన్ను నిన్నుగా ఇష్టపడేవారు.. ఎలాంటి పరిస్థితుల్లోనైనా నిన్ను అర్థం చేసుకునేవారు.. నీవు ఏ స్థాయిలో ఉన్నా గౌరవించేవారు.. నీవు ఎదగాలని మనస్ఫూర్తిగా కోరుకునే వారు’’ నిజమైన స్నేహితులు.

‘‘నిన్ను నిన్నుగా ఇష్టపడేవారు.. ఎలాంటి పరిస్థితుల్లోనైనా నిన్ను అర్థం చేసుకునేవారు.. నీవు ఏ స్థాయిలో ఉన్నా గౌరవించేవారు.. నీవు ఎదగాలని మనస్ఫూర్తిగా కోరుకునే వారు’’ నిజమైన స్నేహం గురించి నిపుణులు ఇలా వర్ణించారంటేనే.. దాని గొప్పదనమేంటో అర్థం చేసుకోవచ్చు. ఇలాంటి స్నేహంవల్ల మీలోని  ఆందోళన దూరం అవుతుంది. ఆనందం ఏర్పడుతుంది.  అదే కదా రియల్ అండ్ హెల్తీ ఫ్రెండ్‌షిప్‌కు నిదర్శనం అంటున్నారు నిపుణులు.

జీవితంలో పరిచయాలు చాలా మందితో ఉంటాయి. కానీ చొరవ కొందరితోనే ఉంటుంది. మీ గురించి ఆలోచించేవారు చాలా మందే ఉంటారు. కానీ నిస్వార్థంగా ఆలోచించేవారు కొందరే ఉంటారు.. వాళ్లే మీ నిజమైన స్నేహితులు. ఈ ప్రపంచమంతా ఒక్కటై మీ మీద యుద్ధం ప్రకటించినా సరే.. వారు మాత్రం మీ తరఫునే నిలుస్తారు. మిమ్మల్ని కాపాడే ప్రయత్నం చేస్తారు. కష్టాల నుంచి గట్టెక్కించే మార్గం చూపుతారు. ఆలోచనల్లో, ఆచరణలో మీ వెన్నంటే ఉంటారు. అందుకే స్నేహం గొప్పదని, విలువైనదని అంటుంటారు పెద్దలు.

మంచీ.. చెడు

ఈ రోజుల్లో అంత మంచి స్నేహితులు ఎవరూ ఉండటం లేదని కొందరు పెద్దలు చెప్తుంటారు. ఇది కూడా ఒకింత నిజమే కావచ్చు. మన మంచి కోసం చెప్పే జాగ్రత్త కూడా కావచ్చు. కానీ అందరూ అలాగే ఉండరు. సమాజంలో మంచీ చెడూ ఉంటాయి. కొందరు చెడు స్నేహాల వల్ల నష్టపోయి ఉండవచ్చు. అంత మాత్రనా మిగతా వారందరకీ అదే వర్తించదు. ఫైనల్లీ.. స్నేహం ఒక భరోసా, స్నేహం ఒక ధైర్యం. స్నేహం ఒక ఆత్మస్థైర్యం.

బెస్ట్ ఫ్రెండ్‌షిప్

ప్రేమలో వైఫల్యాలుంటాయి. రిలేషన్‌షిప్‌ బ్రేకప్‌లు ఉంటాయి. కానీ ఇలాంటివేమీ స్నేహంలో ఉండవు. కాకపోతే.. బిజీ లైఫ్‌లో కొందరు రెగ్యులర్‌గా కలుసుకోకపోవచ్చు. తాత్కాలికంగా దూరమై ఉండవచ్చు. కానీ హృదయాంతరాల్లో స్నేహ మాధుర్యం ప్రవహిస్తూనే ఉంటుంది. ఈ భూమిపై మీ బెస్ట్ ఫ్రెండ్స్ ఎక్కడున్నా సరే.. ఒక్క ఫోన్ కాల్ దూరంలోనే ఉంటారు. మీకు ఏమీ తోచనప్పుడు, ఆపదలో చిక్కుకున్నప్పుడు, ఆవేదన చెందుతున్నప్పుడు నాకెందుకులే.. అనుకునేవారు ఎందరో ఉంటారు. కానీ ఒకే ఒక్క వ్యక్తి.. ఆ క్షణంలో మీ గురించే ఆలోచిస్తారు. మీకు సపోర్టుగా ఉంటారు. అతనే/ఆమెనే మీ బెస్ట్ ఫ్రెండ్.

భేద భావాలు లేనిది..

ఫ్రెండ్‌షిప్‌ అంటేనే అంత.. దానికి కుల మత భేదాలుండవు. పేద ధనిక తేడాలుండవు. ఆడా మగా అనే భేద భావాలుండవు.. వివక్షలు అస్సలుండవు. అందుకే స్నేహం చాలా గొప్పది. అలాంటి స్నేహాన్ని మరోసారి గుర్తు చేసుకొని, మనసు నిండా సంతోషాన్ని నింపుకొని, మన జీవితంలో కూడా ఎంతోమంది స్నేహితులు ఉన్నందుకు కృతజ్ఞతను ప్రకటించుకునేందుకు ఓ సందర్భం రానే వచ్చింది. అదే ఫ్రెండ్ షిప్ డే. సందర్భం కాబట్టి హెల్తీ ఫ్రెండ్‌షిప్ గురించి తప్పక తెలుసుకోవాలంటున్నారు నిపుణులు. అలాంటప్పుడే టాక్సిక్ ఫ్రెండ్‌షిప్‌కు దూరంగా ఉంటామని చెప్తున్నారు. నిజమైన స్నేహితుల లక్షణాలేమిటో వెల్లడిస్తున్నారు.

రహస్యాలు సేఫ్

జీవితమన్నాక అన్ని విషయాల్లోనూ ఓపెన్‌గా ఉండలేం. కొన్ని రహస్యాలు కూడా ఉంటాయి. అలాగనీ వాటిని మనసులోనే దాచుకొని ఉండలేం. ఎవరో ఒకరితో చెప్పుకోవాలనిపిస్తుంది. వాళ్లతో చెప్పుకున్నా తమ సీక్రెట్స్‌కు ఢోకాలేదని, ప్రైవైసీ ప్రాబ్లం ఉండదని భావిస్తారు. అలా ఎవరి గురించి అయితే అనుకుంటారో వాళ్లే నిజమైన స్నేహితులు. అలాగే మీరు మీలా ఉండాలని ప్రోత్సహిస్తారు. మీ ముందు ఒకలా, మీ వెనుకాల మరోలా ప్రవర్తించరు. అన్ని పరిస్థితుల్లోనూ మీతో మంచిగానే మెలుగుతారు. మీ అభిప్రాయాలను, సరిహద్దులను గౌరవిస్తారు. అనుమానం అవసరం లేదు. ఇవన్నీ హెల్తీ ఫ్రెండ్‌షిప్ లక్షణాలే.

అసూయ అసలే లేనిది..

మీరు ఏదైనా సాధించిన ప్రతీసారి మీ ఫ్రెండ్ అసూయ చెందుతున్నట్లయితే అది ప్రవర్తనలో, మాటల్లో, చేతల్లో ఇలా ఏదో ఒక రూపంలో ప్రదర్శిస్తుంటారు. అప్పుడే మీరు అర్థం చేసుకోవచ్చు. అది నిజమైన స్నేహితుల లక్షణం కాదని. ఎందుకంటే రియల్ ఫ్రెండ్ అయితే మీ సక్సెస్ గురించి గర్వపడాలి. మిమ్మల్ని ప్రోత్సహించాలి. అంతేతప్ప అసూయ చెందమో, పోటీగా భావించడమో చేయరు. ఈ సంకేతాలను బట్టి మీ ఫ్రెండ్ ఎవరో గుర్తించవచ్చు. అలాగే నిజమైన స్నేహితులు మీవద్ద నటించరు. మీ గురించి నలుగురిలో చెడుగా చెప్పరు. ఎవరైనా తప్పుగా మాట్లాడినా అవైడ్ చేస్తారు. కొన్నిసార్లు పొరపాటు మీదే అయినా సర్ది చెప్తూ మార్చే ప్రయత్నం చేస్తుంటారు తప్ప మిమ్మల్ని దూరం చేసుకోవాలనే ఉద్దేశంతో బిహేవ్ చేయరు.

ఎల్లప్పుడూ పోర్టుగా నిలిచేది..

జీవితంలో ఎంతోమంది మీకు మేమున్నాం అని చెప్తుంటారు. కానీ ఆచరణలో నిలిచేది ఎంతమంది? అలా నిలిచేవారే మీ నిజమైన స్నేహితులు అంటున్నారు నిపుణులు. ఆనందంలో ఉన్నప్పుడు మీతో ఉండి, ఆపదలో ఉన్నారని తెలియగానే పారిపోయేవారో, తప్పించుకునేవారో ఎప్పటికీ మంచి స్నేహితులు కాలేరు. అన్ని సందర్భాల్లోనూ ఆలోచనల్లో, ఆచరణలో మీకు తోడుగా, మద్దతుగా నిలిచేవారే నిజమైన, నమ్మకమైన స్నేహితులు.

అసలు ఆ భగవంతుడు మనల్ని ఎందుకు సృష్టించినట్టు?

అసలు ఆ భగవంతుడు మనల్ని ఎందుకు సృష్టించినట్టు, ఇలా ఎందుకు రకరకాలైన కష్టాలు పెడుతూ మనల్ని ఎందుకు బాధిస్తున్నట్టు ?

సృష్టించాడు సరే, పోనీ మానవు లందరినీ అన్నీ విషయాలలో అన్నీ సమంగా ఇచ్చి సృష్టించకుండా మానవుల్లో ఈ హెచ్చుతగ్గులు ఎందుకు చేసినట్టు ?

మనుషు లందరినీ ఇలా రకరకాలుగా సృష్టి చేసి వాళ్ళని ఇలా అనేక రకాలుగా కష్టాలకి గురిచేయడం ఎందుకు ? అసలు సృష్టించకుండానే ఉండచ్చు కదా ?

 భగవంతుడికి ఈ వినోదం ఎందుకు అని సందేహం వస్తుంది. ఇది ఆధ్యాత్మిక చింతన గల ప్రతి ఒక్కరూ చాలా జాగ్రత్తగా అర్ధం చేసుకోవలసిన విషయం.

 మనల్ని పుట్టించింది ఆ భగవంతుడే అన్నది నిజం. అయితే మానవులని గానీ మరే ఇతర జీవులని పుట్టించడంలో గానీ అనేక రకాలైన తేడాలున్నాయి అన్నది కూడా నిజం. అయితే ప్రతి మనిషికి మనిషికి ఉన్న అన్నీ రకాలైన వ్యత్యాసాలకూ భగవంతుడికి ఏమీ సంబంధం లేదు, ఉండదు. అది ఎలా ఆంటే..

 దాన్ని ఒక చిన్న ఉదాహరణ రూపంలో చూద్దాం :

మీరు స్వయంగా మీ చేతులతోనే, అన్నీ ఒకే రకంగా ఉన్న ఒక దోసెడు విత్తనాలని తీసుకుని, ఒకే రకమైన మట్టిలో జల్లి, గాలీ, వెలుతురు, లేదా ఎండ సమంగా తగిలేలా, అన్నిటికీ ఒకే రకంగా నీరు పెట్టారు అనుకుందాం. కానీ అవన్నీ ఒకే సారి మొలకలు రావు. అన్నీ ఒకేలా మొలవ్వు. కొన్ని అసలు మొలకే ఎత్తవు. కొన్ని మొలక లోనే చనిపోతాయి. కొన్ని చిన్నగా మొలకెత్తుతాయి. మరి కొన్ని కొంచం పెద్దగా లేస్తాయి. రోజులు గడిచినా ఆ మొలకెత్తిన వాటిల్లో కొన్ని చిన్న మొక్కలుగానే ఉంటే కొన్ని చాలా పెద్ద మొక్కలు అవుతుంటాయి. కొన్నిటికి చీడ లాంటివి పట్టి అందవిహీనంగా అయితే, కొన్నిటికి ఏ చీడ లేకుండా పచ్చగా కళకళ లాడుతూ ఉంటాయి, కొన్ని ప్రకృతి వైపరీత్యాలకి గురై నాశనమైతే కొన్ని తట్టుకుని నిలబడతాయి, కొన్ని పూలు పళ్ళు ఇస్తే, కొన్ని అవేమీ ఇవ్వని ఫలపుష్పరహితమవుతాయి.

 అలా ఎన్నో రకాలుగా అవి కూడా సుఖ దుఃఖాలకి హెచ్చుతగ్గులకి లోనవుతున్నాయి. అలా ఎందుకు అవి అయ్యాయి అంటే మీరు ఏం సమాధానం చెప్తారు ?

ఆలోచించండి అలా కావడానికి కారణం ఎక్కడ ఉంది ?

మీ చేత్తో మీరు స్వయంగా విత్తనాలు చల్లే ముందు అన్నీ ఒకేలా ఉన్నాయి, మీరు వాటిని చల్లిన మట్టి కూడా ఒకటే, నీళ్ళు కూడా అన్నిటికీ సమంగానే పెట్టారు, వాటికి అందాల్సిన గాలీ వెల్తురు కూడా అన్నీ సమంగానే అందించారు, అయినా అలా ఒక్కోటి ఒక్కో విధంగా ఎందుకు అయినట్టు ?

మీరు చల్లిన విత్తనాలలో కొన్నిటి మీద మీరు ఎందుకు పక్షపాతం చూపించారు ?

వాటిల్లో కొన్నిటిని ఎందుకు మొలకెత్తకుండా చేశారు ?

కొన్నిటిని ఎందుకు పొట్టిగానే ఉండేలా చేశారు ? కొన్నిటినే కాయలు, పూలు పూసేలా ఎందుకు వాటిల్లో అలా ఎక్కువ తక్కువలు చేశారు ?

అని మిమ్మల్ని అడిగితే మీరు ఏం సమాధానం చెప్తారు ?

 ఏమో నాకేం తెలుసు నేను మాత్రం ఒకే రకమైన విత్తనాలని ఒకే రకమైన మట్టిలో జల్లాను అన్నిటికీ సమంగానే నీళ్ళు పెట్టాను కానీ అవి ఎందుకని అలా అయ్యాయో నాకు తెలియదు అని వెంటనే చెప్తారు.

ఇంకా ఆ గింజల్లో ఎంతుందో అందులోంచి అంతే వస్తుంది గానీ లేనిది ఎక్కడి నుంచి వస్తుంది అంటారు అవునా ?

 కాబట్టి మొదట్లో పైన మనకి వచ్చిన సందేహాలకి దేవుడిని అడిగినా ఇదే సమాధానం చెప్తాడు అని అర్ధం చేసుకోవాలి ! ఆదిత్యయోగీ.

 మానవులంతా పలురకాలైన హెచ్చుతగ్గుల్లో ఉండటానికి కారణం ఎక్కడ ఉన్నట్టు అంటే దానికి సమాధానం ఇలా ఉంటుంది.

ఈ సమస్తమైన మానవులంతా ఆ గింజల్లాంటి వాళ్ళు. ఎవరి కర్మలని వాళ్ళు మంచి చెడు ఏదైనా వాళ్ళతోనే పుచ్చుకుని తిరుగుతూ ఉంటారు. భగవంతుడి ఎవరికీ ఏదీ కొత్తగా పట్టుకొచ్చి ఇవ్వడూ, ఉన్నదాన్ని తీసెయ్యడు. బ్యాంక్ లో మన ఖాతాలో ఉన్న డబ్బుని జాగ్రత్తగా మనకే అట్టిపెట్టినట్టు భగవంతుడు ఎవరి ఖాతాలో ఉన్న పాపపుణ్యాలని వాళ్ళకే జాగ్రత్తగా అప్పజెపుతాడు.

 దీన్ని బట్టి మనం అర్ధం చేసుకోవలసిన సృష్టి రహస్యం ఒకటి ఉంది. ఎలా అంటే విత్తనాలలో జీవశక్తి ఉన్నా అవి పడాల్సిన చోటు, ఉండాల్సిన వాతావరణం, తగలాల్సిన తేమ తగిలితేనే అవి మొలకెత్తుతాయి.

అలా కాకుండా ఏ సంచి లోనో, ఏ డబ్బా లోనో పెట్టి మూత పెడితే అవి మొలకెత్తవు. ఎందుకంటే పైన చెప్పిన మూడు పరిస్థితులు లేకుండా ఆ విత్తనానికి మొలకెత్తడం చేతకాదు. అది మొలకెత్తటానికి ఎవరో ఒకరు దానికి అది మొలకెత్త టానికి తగిన పరిస్థితులని కలిగించాలి. అప్పుడు మాత్రమే అది దానిలో ఉన్న దాని జీవశక్తిని బట్టి మొలకెత్తి అది ఏంటో ఎలా పెరుగుతుందో, ఏమేమి ఫలపుష్పాలు ఇస్తుందో మనకి ఇచ్చి చూపించగలదు.

 అదే విధంగా మానవులతో సహా సమస్త జీవరాసులు ఏ మహా ప్రళయంలోనో యుగాంతంలోనో పూర్తిగా నశించి కొంత కాలం పాటు ఏవిధమైన శరీరాలు లేకుండా పడి ఉన్నప్పుడు, ఆ మహా ప్రళయం సంభవించిన సమయానికి ఆయా మానవుల వెనక ఏ విధమైన కర్మలు, సంస్కారాలైతే ఉన్నాయో అవన్నీ తరిగించుకొని ఉద్దరించబడటానికి మళ్ళీ ఏదైనా తగిన శరీరం ఉంటే తప్ప వాళ్ళ వెనకన ఉన్నకర్మలని తరిగించుకోలేరు. అందుకని ఎవరి చేసుకున్న కర్మ ప్రకారం ఎవరికి తగ్గట్టు వారికి ఒక్కొక్క శరీరాన్ని ఆ భగవంతుడు తయారుచేసి ఇస్తాడు.

అలా శరీరాన్ని నీకు ఇస్తూ, దాంతో పాటు మానవుల నడవడికి సంబంధించిన కొన్ని నియమాలని కూడా ఆయా దేహాలకి వర్తింపజేస్తూ వాటి ప్రకారం నడుచుకోమని చెప్పి పంపుతాడు. తాను చెప్పినట్టు నడుచుకుంటే మానవుల పాపాల పుట్టని అంతా తాను పరిహారం చేస్తాను అని కూడా చెప్పి పంపుతాడు.

 ప్రతి మానవుడికి తాను చేసిన కర్మకి తగ్గట్టుగా అతనికి కావలసిన శరీరాన్ని మానవుడు తెచ్చుకోలేడు కాబట్టి దాన్ని భగవంతుడు సృష్టించి ఇస్తాడు తప్ప అలా చేయడంలో ఆయనకి ఏవిధమైన పక్షపాతము ఉండదు.

 ఒక్క మాటలో చెప్పాలి అంటే ఇదంతా భగవంతుడి ఆధీనంలో ఉన్న “ప్రకృతి” లో ఒక ఆటోమేటిక్ సిస్టమ్ లాగా ఎవరు ఏ శరీరంతో, ఎక్కడ, ఎలా పుట్టాలో, ఏ విధమైన జీవితం గడపాలో, దానివలన మావవులలో ఎలాంటి పరివర్తన రావాలో అన్నది నిర్విరామంగా జరిగిపోతూనే ఉంటుంది.ఆదిత్యయోగీ.

అందువలన ఒకళ్లని అన్నీ విధాలా బాగా సృష్టించి, కొందరిని అన్నీ విధాలా హీనంగా, లేదా తక్కువగా సృష్టించడం అనేది ఉండదు.

 ఎవరి కర్మకు తగ్గట్టుగా వారి వారి శరీరాలు ఆయా కర్మలని అనుభవించే విధంగా ఈ ప్రకృతి లోంచి తయారు అవుతాయి.

భగవంతుడు “నన్ను పరిపూర్ణంగా ఆశ్రయించు నీ యోగ క్షేమాలు నేను చూస్తాను” అన్నాడు అంటే.. తాను చెప్పినట్టుగా మానవుడు ప్రవర్తించగలిగితేనే చూస్తాను అన్నాడు తప్ప మానవుడు తన ఇష్టం వచ్చినట్టు చేస్తే తను చూస్తాను అని అనలేదు.

 కాబట్టి మానవుల్లో హెచ్చుతగ్గులు తేడాలు అన్నీఎవరికి వారు తెచ్చిపెట్టుకున్నవే తప్ప వాటితో భగవంతుడికి ఏ మాత్రం సంబంధం లేదు. అయితే మానవులు గతంలో చేసిన తప్పులని తిరిగి చేయకుండా ఉండేలా చేసే ప్రయత్నంలో భగవంతుడి సహాయం అందరిమీద ఒక్కలానే ఉంటుంది. ఎక్కడా తేడా ఉండదు.

 “ఈ ప్రాపంచిక విషయాల మీద విరక్తి భావంతో” తనని “అన్యధా శరణం నాస్తి” అని వచ్చిన వాళ్ళని తప్పక రక్షించి తీరుతాను అని భగవంతుడు సమస్త మానవాళికి ఇచ్చిన మాట ..

 పార్వతి దేవికి దండం పెట్టడం అంటే -- 

నీలో ఉన్న ''శక్తి''కి దండం పెట్టడం.

 లక్ష్మీ దేవికి దండం పెట్టడం అంటే -- 

నీలో ఉన్న ''సంపద"కు దండం పెట్టడం. 

 సరస్వతి దేవికి దండం పెట్టడం అంటే -- 

నీలో ఉన్న ''జ్ఞానాని''కి దండం పెట్టడం..*

.

మనలో రాజసమైన ఆలోచనే, చివరికు అభివృద్ధి చెంది, మన లక్ష్యం వైపు మనల్ని నడిపిస్తుంది. మహర్షులు ఒకరి తరువాత మరొకరు స్వానుభవ పూర్వకంగా తెలుసుకున్న విషయాలను జోడించి, ఈ రాజయోగాన్ని మెరుగుపరుస్తూ, ఎంతో అభివృద్ధి చేశారు. చెప్పాలంటే, ఆ ఆలోచన చివరికి సత్ తత్వ రూపాన్ని దాల్చి నగ్న రూపంలో దర్శనమిస్తుంది. ఉన్నత స్థాయికి చెందిన దివ్య దృష్టి గలవారు దానిని పరిశీలించ వచ్చు. ఈ శాస్త్రాన్ని అనేక పద్ధతులలో బోధించవచ్చు. కానీ వాటన్నింటిలోనూ గల మూలసూత్రం మాత్రం ఒకటే. ఈ శక్తి సహాయంతో భగవంతునితో అనుసంధానాన్ని ఏర్పరచుకుంటాం. ఆయా కాలపు అవసరాలకు తగ్గట్టుగా దీనిని అభివృద్ధి చేసేందుకు, గొప్ప గొప్ప ఋషులు దీనిని మెరుగుపరుస్తూ వచ్చారు. యోగశాస్త్ర తత్వాన్ని విస్తృతంగా చర్చిస్తూ, ఈ విషయంపై చాలా వ్యాఖ్యానాలు వ్రాయబడ్డాయి. అయితే వాటన్నింటి సారాంశం అంతర్దృష్టి గురించే, మనిషి దానిని పెంపొందించుకోవాలి. లోతుగా అన్వేషిస్తూ తన సూక్షత్వాన్ని అత్యున్నతంగా మెరుగుపరుచుకుంటూ ముందుకు చొచ్చుకు పోగలదీరునికే విషయాలు వాటి నిజమైన దృష్టి కోణంలో కనబడి, వాటి మర్మం వెల్లడి జేయబడుతుంది.....*

.