2)స్నేహం అంటే నమ్మకం..కానీ ఈ రోజుల్లో విలువైనది విలువ తెలియని వారికే దక్కుతుంది..అది వస్తువైనా..విలువైన బంధమైనా ఇదే నిజం..అందుకే నిజమైన ఫ్రెండ్ దొరికితే వదులుకోకు..వాడు నీ జీవితంలో దొరికిన వజ్రం లాంటివాడు..నువ్వు పడిపోతే లేపడానికి, ఓడిపోతే గెలిపించడానికి వాడుంటాడు..ఇచ్చిన మాట కోసం నిలబడు..ఎందుకంటే నమ్మకం చెడితే మనిషి విలువ చెడుతుంది..అపార్థం వస్తే మాట్లాడి క్లియర్ చేసుకో..మౌనం మంచి బంధాలను కూడా చంపేస్తుంది..కోపంలో కఠినంగా మాట్లాడకు..ఒక్క మాట మనసును విరిచేస్తుంది..సుఖంలో అందరూ ఉంటారు..దుఃఖంలో నీ చేయి పట్టుకునేవాడే నీవాడు..విలువ తెలిసినవాడివై ఉండు..విలువైన బంధాన్ని పోగొట్టుకోకు..రోజూ నిద్రపోయే ముందు గుర్తుచేసుకో..నాకున్న ఈ స్నేహం ఎంత అదృష్టమో అని..ఆ కృతజ్ఞత ఉంటే బంధం ఎప్పటికీ వాడిపోదు..నువ్వు నిజంగా ఉంటే..నీ విలువ తెలిసిన మనిషి నిన్ను వదలడు..*ఇట్లు..మీ..✍🏻 రఘురాం*
3)విధి రాతలో ఉన్న అద్భుతమైన విషయం ఏంటంటే..సమయం వచ్చినప్పుడు అన్నీ మారిపోతాయి..మనకు ముందే ఏం జరగబోతుందో తెలియదు..అందుకే మనిషి ఇంకా ఆశతో బతుకుతున్నాడు..ఒకవేళ రేపటి బాధ ముందే తెలిస్తే ఈరోజు నవ్వేవాడు కాదు..రేపటి ఆనందం ముందే తెలిస్తే ఈరోజు కష్టపడేవాడు కాదు..జీవితంలో కొన్ని తలుపులు మూసుకుపోతాయి,కొంతమంది మనుషులు దూరమవుతారు..కొన్ని కలలు విరిగిపోతాయి..కానీ అదే జీవితం కొత్త దారిని కూడా చూపిస్తుంది..కొన్నిసార్లు కొందరికి కాలం త్వరగా కలిసొస్తుంది..కొందరికి కష్టం తర్వాత ఫలితం దక్కుతుంది..కానీ గుర్తుంచుకో..అదృష్టం అవకాశం ఇస్తుంది..శ్రమ మాత్రమే ఆ స్థానాన్ని నిలబెడుతుంది..ఈ రోజు నిన్ను చూడని కళ్లు రేపు నిన్ను వెతుకుతాయి..కాలం ఒక్కసారి తిరిగితే నీ ప్రయాణమే స్ఫూర్తి అవుతుంది..చివరికి అర్థమయ్యేది ఒక్కటే..వచ్చింది వెళ్లిపోవచ్చు..సంపాదించుకున్నది మాత్రం నీతోనే ఉంటుంది..నువ్వు నమ్మకంతో నడువు..నీ సమయం రాకమానదు..*ఇట్లు..మీ..✍🏻 రఘురాం*
4)దేవుడు నిన్ను రాజుని చేయాలనుకుంటే నీకు కిరీటం ఇవ్వడు..పోరాటం ఇస్తాడు.కిరీటం అనేది పోరాడి గెలిచిన వాడికే దక్కుతుంది.ఆయన ఒక్కసారిగా నిన్ను రాజును చేయడు..ముందు నీ ముందు యుద్ధం పెడతాడు.ఆ యుద్ధంలో నువ్వు నిలబడి గెలిస్తేనే నువ్వు రాజువి.జీవితం అంటే ఇదే.నువ్వు అడిగినది ఆయన వెంటనే ఇవ్వడు..నువ్వు దానికి అర్హుడివో కాదో ముందు చూపించాలి.అందుకు ధైర్యం కావాలి,త్యాగం కావాలి. ఆయన నిన్ను పూర్తిగా పరీక్షిస్తాడు.అందుకే కిరీటం కోసం బాధపడకు..ఆయన ఇచ్చిన అవకాశాన్ని పట్టుకుని పోరాడు.నీ కష్టం,నీ చెమట,నీ కన్నీళ్లు లేకుండా గెలుపు రాదు.ఆయన నీకు కష్టం పెడితే అర్థం..నిన్ను పైకి తీసుకెళ్లాలనుకుంటున్నాడని.
తట్టుకో..ఎదుర్కో..గెలిచి చూపించు.ఎందుకంటే కిరీటం అనేది ఆభరణం కాదు..అది నీ దెబ్బల మీద నువ్వు సంపాదించుకున్న గౌరవం..*ఇట్లు..మీ..✍🏻 రఘురాం*
5)స్నేహం అంటే చేయి..నువ్వు బురదలో కూరుకుపోతే లాగే చేయి..నువ్వు అగాధంలో పడిపోతుంటే పట్టుకునే చేయి..వెలుగులో అందరూ చప్పట్లు కొడతారు..చీకట్లో చేయి అందించేవాడే తోడు..కానీ ఆ చేయిని ఎప్పుడూ విదిలించకు..ఎందుకంటే ఒక్కసారి విడిచిపెడితే..మళ్లీ ఆ చేయి నీకోసం రాదు..కోపంలో గట్టిగా నొక్కకు..ప్రేమతో మృదువుగా పట్టుకో..నిజమైన నేస్తం నీ చేయిని గాయపరచడు..నీ వేలిని వదిలిపెట్టడు..దారి తప్పితే దారి చూపుతాడు..అలసిపోతే భుజం మీద చెయ్యేసి నడుస్తాడు..అలాంటి చేయి దొరికితే..జీవితాంతం వదలకుండా పట్టుకో..అదే నీకు దేవుడిచ్చిన వరం..*ఇట్లు..మీ..✍🏻 రఘురాం*
6)స్నేహం అంటే వెన్నెల..ఎండమావి కాదు..చీకటి రాత్రిలో నీకు తోడుగా నిలిచే చల్లని వెలుగు..నువ్వు కాలిపోతుంటే చల్లగా తాకుతుంది..నువ్వు భయపడుతుంటే ధైర్యం ఇస్తుంది..కానీ వెన్నెల మీద ఉమ్మేయకు..మబ్బు పట్టించకు..ఎందుకంటే ఒక్కసారి అలిగితే..అమావాస్యే మిగులుతుంది..నిజమైన స్నేహితుడు నీ రాత్రికి వెన్నెల అవుతాడు..నీ కన్నీటిని ముత్యంలా మెరిపిస్తాడు..అలాంటి వెన్నెల దొరికితే..రాత్రంతా మేలుకొనైనా కాపాడుకో..అదే నీ బతుకుకి అందం..*ఇట్లు..మీ..✍🏻 రఘురాం*
7)స్నేహం అంటే అద్దం..నువ్వు నవ్వితే అది నవ్వుతుంది,నువ్వు ఏడిస్తే అది కన్నీళ్లు పెడుతుంది..నీ ముఖానికి మేకప్ వేయదు,నీ లోపాలను దాచిపెట్టదు..నీవు అలసిపోతే అది నీ కళ్లలోని నిద్రను చూపిస్తుంది,నీవు బాధపడితే అది నీ గుండెలోని గాయాన్ని చూపిస్తుంది..కానీ అద్దం పగిలితే అతికించినా గీత కనిపిస్తుంది..ఆ గీతే అనుమానం,ఆ గీతే మాట,ఆ గీతే మౌనం..ఒక్క దెబ్బ చాలు..వేయి ముక్కలైపోతుంది..అందుకే కోపంలో నేలకేసి కొట్టకు,అహంలో విసిరి పారేయకు..రోజూ దాన్ని ప్రేమగా తుడుచుకో,నీ నిజాన్ని దాంట్లో చూసుకో..ఎందుకంటే దుమ్ము పట్టిన అద్దం నీ అసలు రూపాన్ని చూపించదు..పగిలిన నమ్మకం,చినిగిన బంధం తిరిగి కలవు..కలిపినా ఆ పగుళ్ల నీడ జీవితాంతం వెంటాడుతుంది..ఒక్కసారి చేయి జారితే..మళ్లీ ఆ అద్దంలో నీ మొహం నవ్వదు..*ఇట్లు..మీ..✍🏻 రఘురాం*
8)స్నేహం అంటే గూడు..ఎండకు,వానకు,గాలికి నువ్వు వణికిపోతుంటే అది నీకు నీడనిస్తుంది..నువ్వు పుల్ల పుల్ల పేర్చి కట్టుకున్న గూడు..ఒక్క కోపం అనే నిప్పురవ్వ చాలు..బూడిదైపోతుంది..అందుకే మాట తూకం వేసి మాట్లాడు..చేయి జారి నిప్పు అంటించకు..ఎందుకంటే కాలిపోయిన గూడు..మళ్లీ కట్టినా ఆ వెచ్చదనం రాదు..నిజమైన నేస్తం నీ గూడుకి కాపలా ఉంటాడు..తుఫాన్ వస్తే నిన్ను గుండెల్లో దాచుకుంటాడు..అలాంటి గూడు దొరికితే..జీవితాంతం అందులోనే ఉండిపో..*ఇట్లు..మీ..✍🏻 రఘురాం*
9)మంచి చేయడం నేర్చుకుంటాం..కానీ ఎవరికి చేయాలో కూడా నేర్చుకోవాలి..వెలుతురు అందరికీ ఇవ్వచ్చు..కానీ కళ్లు మూసుకున్నవాడికి ఇచ్చి లాభం లేదు..నీడ అందరికీ ఇవ్వచ్చు..కానీ నీడనిచ్చిన చెట్టునే నరికేవాడికి కాదు..సహాయం విలువ తెలిసినోడికి చేస్తే అది ఆశీర్వాదం అవుతుంది..వాడుకుని పోయేవాడికి చేస్తే అది నీకే శాపం అవుతుంది..మనసు మంచిదైతే సరిపోదు..మనిషిని గుర్తుపట్టే తెలివి కూడా ఉండాలి..ఎందుకంటే అర్హత లేనివాడికి చేసిన మంచి..గాలి పాలు అయిన నీళ్లతో సమానం..విలువ తెలిసిన గుండెకే నీ సమయం ఇవ్వు..నీ శ్రమను ఇవ్వు..నీ ప్రేమను ఇవ్వు..అప్పుడే నీ మంచితనానికి గౌరవం దక్కుతుంది..లేకపోతే నీ మంచే నిన్ను కుంగదీస్తుంది..*ఇట్లు..మీ..✍🏻 రఘురాం*
10)సొంత కష్టంతో ఎదగాలి..మంచితనంతో గెలవాలి..నిజాయితీతో నవ్వుకోవాలి..ఎందుకంటే మంచి మనసుకు ఎప్పుడూ మంచి దారే దొరుకుతుంది..అందుకే ఎవరి ముందూ తలవంచకుండా బతకాలి..సొంత కలల కోసం ప్రతిరోజూ కష్టపడాలి..మాటకు కట్టుబడి నిలబడాలి..ఆత్మగౌరవం అనేది ప్రతి మనిషి గుండె చప్పుడు లాంటిది..దాన్ని ప్రేమగా కాపాడుకోవాలి..ఎవరి నీడలోనూ కాకుండా..సొంత వెలుగుతో ప్రకాశించాలి..సొంత దారిని ఏర్పరచుకుని ధైర్యంగా నడవాలి..ఎందుకంటే జీవితం ఒక అందమైన వరం..ప్రతి రోజూ ఒక కొత్త అవకాశం..ప్రతి అడుగూ విజయం వైపే వేయాలి...ఇట్లు..మీ..✍🏻 *రఘురాం*
11)చెమట చుక్కలే మెట్లయితే ఎదుగుదల ఆగదు..మంచి మనసే దారి చూపితే గెలుపు తప్పదు..నిజాయితీ నీడై నిలిస్తే నవ్వు చెరగదు..ఎందుకంటే కష్టానికి కన్నీరు తెలుసు..కలకి రెక్కలు తెలుసు..ప్రయత్నానికి ఫలితం తెలుసు..అందుకే ఓటమి ఎదురైనా మోకరిల్లకుండా లేవాలి..అవమానం తగిలినా ఆత్మగౌరవం వదలకుండా నిలవాలి..చీకటి కమ్మినా సొంత దీపం వెలిగించుకోవాలి..ఎవరి అడుగుజాడల్లో కాకుండా సొంత గుర్తుల్ని వదిలి వెళ్లాలి..ఎందుకంటే జీవితం ఒక్కసారే వస్తుంది..ప్రతి ఉదయం ఒక కొత్త పుస్తకం..ప్రతి క్షణం ఒక కొత్త అవకాశం..కాబట్టి కలలు కనాలి..వాటికోసం కదలాలి..గెలిచేవరకు ఆగకూడదు..ఎందుకంటే నువ్వు అనుకుంటే సాధ్యం కానిది ఏదీ లేదు...ఇట్లు..మీ..✍🏻 *రఘురాం*
12)ఓడిపోయానని ఏడవకు..గెలవడానికి ఇంకో అవకాశం దొరికిందని నవ్వు..పడిపోయానని కూలబడకు..లేచి పరిగెత్తడానికి కారణం దొరికిందని ముందడుగు వెయ్..వదిలేశారని కుంగిపోకు..నిన్ను నువ్వు వెతుక్కోవడానికి దారి దొరికిందని సంబరపడు..మోసపోయానని మూలన కూర్చోకు..మనుషుల్ని చదవడం నేర్చుకున్నానని గర్వపడు..ఒంటరినయ్యానని బాధపడకు..నీ నీడే నీ తోడని నమ్ము..నమ్మకం విరిగిందని చితికిపోకు..నిన్ను నువ్వు నమ్మడం మొదలుపెట్టు..కన్నీళ్లు వస్తున్నాయని సిగ్గుపడకు..ఆ ఉప్పునీరే నీ బలం అని తెలుసుకో..చీకటి కమ్మిందని భయపడకు..వెలుగు నీలోనే ఉందని గుర్తించు..గాయమైందని ఆగిపోకు..ఆ మచ్చలే నీ చరిత్ర అని చెప్పుకో..అలసిపోయానని అనుకోకు..ఆగకుండా నడిచావనే కదా అలసింది..వెనక్కి లాగుతున్నారని చూడకు..నీ గమ్యం ముందుందని పరిగెత్తు..చులకన చేశారని చిన్నబోకు..వజ్రాన్ని రాయని అనుకునే కళ్లు చాలా ఉంటాయి..నీ సమయం రాలేదని నిందించుకోకు..సింహం ఒక్కసారే గర్జిస్తుంది..కానీ అడవి దద్దరిల్లుతుంది..నిన్ను నువ్వు తక్కువ చేసుకోకు..నువ్వు ఓడిపోతే నిన్ను నమ్మిన గుండెల్ని ఓడించినట్టే..లే..నడువు..పోరాడు..గెలువు..ఎందుకంటే నీ కథ ఇంకా ముగియలేదు..నీ విజయం ఇంకా మిగిలే ఉంది..ఎక్కడో విన్నది చదివినది..ఇట్లు..మీ..✍🏻 *రఘురాం*
13)రెక్కలు వచ్చిన పక్షి ఇంకా గూడులోనే మనతోనే ఉండాలంటే ఎలా..ఎగరడం వచ్చిందంటే దాని మానాన అది విహరిస్తుంది..జీవితంలో కూడా అంతే..ఎదిగిన సింహాన్ని సంకెళ్లతో కట్టలేం..ఎగరడం తెలిసిన డేగను అరచేతిలో దాచలేం..ఎందుకంటే ఆకాశం పిలిచిన తర్వాత గూడు కనిపించదు..కలలు కళ్లు తెరిచిన తర్వాత నిద్ర పట్టదు..గమ్యం దగ్గరైందని తెలిశాక అడుగులు ఆగవు..అలాగే మనిషి కూడా..తన రెక్కల బలం తెలిసిన క్షణం..తన దారి కనిపించిన క్షణం..ఆగరు తిరగరు..ఎందుకంటే అది స్వార్థం కాదు..అది బతుకు పిలుపు..అది విధి రాత..అయితే ఎగిరే ప్రతి రెక్కల చప్పుడులోనూ కృతజ్ఞత ఉండాలి..ఎందుకంటే ఆ రెక్కలు ఇచ్చింది గూడు కట్టిన చేతులే..ఆ ఎత్తు చూపించింది ఆ గుండెలే..అందుకే బంధం పేరుతో బంధించకూడదు..ప్రేమ పేరుతో పంజరం చేయకూడదు..వదిలేయాలి..నమ్మాలి..ఆశీర్వదించి ఆకాశానికి పంపాలి..ఎందుకంటే ఋణం ఉన్న పక్షి ఎంత దూరం వెళ్లినా..ఎంత ఎత్తుకు ఎగిరినా..తన మొదటి గూటిని..తన మూలాలను..తనను మనిషిని చేసిన చేతుల్ని మర్చిపోదు..కానీ ఆ చేతుల కోసం తన ఆకాశాన్ని మాత్రం సమాధి చేయదు..ఎందుకంటే ఎగిరి గెలిచి..ఆ గూటికి పేరు తేవడమే అసలైన కృతజ్ఞత..ఇట్లు..మీ..✍🏻 *రఘురాం*
14)గుడ్డివాడికి కళ్ళు రాగానే మొదట వదిలేది ఇన్నిరోజులు తనకు సాయపడిన చేతికర్రనే..ఎందుకంటే అది మనిషి నైజం..అవసరం తీరాక ఆధారం అనవసరం అయిపోతుంది..చీకట్లో దారి చూపిన కర్ర వెలుతురులో భారంగా కనిపిస్తుంది..పడిపోకుండా పట్టుకున్న చెయ్యి నడక వచ్చాక అడ్డుగా తోస్తుంది..ఆకలి తీర్చిన మెతుకు కడుపు నిండాక చేదుగా మారుతుంది..కన్నీళ్లు తుడిచిన గుడ్డ కళ్ళు మెరిశాక మాసిపోయినట్టు అనిపిస్తుంది..ఒంటరితనంలో తోడై నిలిచిన నీడ జనంలో కనపడకుండా పోతుంది..బతుకు లేనప్పుడు బుజం కాసినవాడు బతుకు మారగానే బరువైపోతాడు..ఎందుకంటే కృతజ్ఞత అందరికీ ఒంటబట్టదు..కొందరికి ఎదుగుదల అంటే వెనకటిని మర్చిపోవడమే..కానీ గుర్తుంచుకో..కళ్ళు వచ్చినవాడివి కావచ్చు..కానీ ఆ చేతికర్ర లేకుంటే నువ్వు చీకట్లోనే ఉండిపోయేవాడివి..అందుకే ఎంత ఎత్తుకు ఎదిగినా..ఎంత వెలుగు చూసినా..నిన్ను నడిపించిన చెయ్యిని వదలకు..ఎందుకంటే తిరిగి చీకటి కమ్మితే ఆ చేతికర్రే నీకు దిక్కు అవుతుంది...ఇట్లు..మీ..✍🏻 *రఘురాం*
15)మేడ ఎక్కాక నిచ్చెనను గుర్తుంచుకోవాలి..నేల మీద ఉన్నప్పుడు ఆ మెట్లే ఆకాశం చూపించాయి..పైకి చేరాలని కలలు కన్నప్పుడు ఆ చెక్కమెట్లే తోడుగా నిలిచాయి..కష్టంలో ఉన్నప్పుడు ఆ నిచ్చెనే ఆసరా అయ్యింది..మేడ పైకి చేరాక కూడా కింద చూపు ఉండాలి..ఎక్కించిన మెట్లను గౌరవించడమే సంస్కారం..పైకి లాగిన చేతిని మర్చిపోకపోవడమే విలువ..ఎత్తుకు చేరినా వినయం వదలకూడదు..ఎదిగిన కొద్దీ ఒదిగి ఉండడమే గొప్పతనం..ఎందుకంటే మేడ ఎంత ఎత్తున్నా..పునాది మీదే నిలబడుతుంది..కింద ఉన్న నిచ్చెన లేకపోతే పైకి రావడం కష్టం..కాబట్టి ఎదిగిన తర్వాత కూడా..ఎక్కిన మెట్లకు కృతజ్ఞత చెప్పు..ఎక్కించిన నిచ్చెనను గుర్తుపెట్టుకుంటే..జీవితాంతం ఇంకా ఎత్తుకు ఎదుగుతావు...*ఇట్లు..మీ..✍🏻 రఘురాం*
16)వెలుగు ఇచ్చిన చమురును మర్చిపోకూడదు..చీకటి కమ్మినప్పుడు ఆ చుక్క చమురే వెలుతురు ఇచ్చింది..గాలి వీచినప్పుడు ఆ చమురే దీపాన్ని కాపాడింది..ఆశ లేనప్పుడు ఆ చుక్కే ధైర్యం నింపింది..దీపం వెలిగాక కూడా చమురు విలువ తెలియాలి..వెలిగించిన చుక్కకు కృతజ్ఞతగా ఉండడమే ధర్మం..బతుకునిచ్చిన చమురును గౌరవించడమే న్యాయం..వెలుగు వచ్చిన గర్వంతో మూలాన్ని మర్చిపోకూడదు..పేరు వచ్చినా పునాదిని వదిలేయకూడదు..ఎందుకంటే చమురు లేకపోతే దీపం వెలగదు..వత్తి ఉన్నా చమురు తోడైతేనే వెలుగు..వెలిగించిన చెయ్యికి విలువ ఇవ్వాలి..కాబట్టి నీ వెలుగుకు కారణమైన చుక్కను..ఎప్పుడూ గుండెల్లో పెట్టుకో..వెలుగు ఇచ్చిన చమురును గుర్తుంచుకుంటే..నీ జీవితం ఎప్పుడూ ప్రకాశిస్తూనే ఉంటుంది...*ఇట్లు..మీ..✍🏻 రఘురాం*
17)పండ్లు కాసినా వేరును ప్రేమించాలి..విత్తనంగా నేలలో ఉన్నప్పుడు ఆ వేరే బలం ఇచ్చింది..ఎండకు వాడిపోతున్నప్పుడు ఆ వేరే నీరు అందించింది..తుఫాను వచ్చినప్పుడు ఆ వేరే గట్టిగా పట్టుకుంది..కొమ్మలు విస్తరించినా కూడా వేరును మర్చిపోకూడదు..ఆకాశం అందుకున్నా ఆధారాన్ని గౌరవించడమే విజ్ఞత..పండ్లు ఇచ్చినా పుట్టిన చోటును ప్రేమించడమే సంస్కారం..పైకి ఎదిగిన కొమ్మ కింద ఉన్న వేరుకు నీడ ఇవ్వాలి..ఫలాలు ఇచ్చిన చెట్టు బతుకు ఇచ్చిన బంధాన్ని నిలుపుకోవాలి..ఎందుకంటే వేరు ఉంటేనే చెట్టు పచ్చగా ఉంటుంది..కొమ్మలు ఎన్ని ఉన్నా వేరే ప్రాణం..పునాదిని ప్రేమించే చెట్టు ఎప్పుడూ కూలదు..కాబట్టి నిన్ను నిలబెట్టిన వేరుకు..ఎప్పుడూ నీరు పోస్తూనే ఉండు..నిన్ను పెంచిన వేరును కాపాడుకుంటే..నువ్వు ఎప్పటికీ ఫలాలనిచ్చే చెట్టువే...*ఇట్లు..మీ..✍🏻 రఘురాం*
18)పేరు వచ్చినా సిరాను గౌరవించాలి..అక్షరం రానప్పుడు ఆ చుక్క సిరానే అక్షరం నేర్పింది..కాగితం ఖాళీగా ఉన్నప్పుడు ఆ సిరానే కథ రాసింది..చరిత్ర లేనప్పుడు ఆ చుక్కే నీ పేరును లిఖించింది..పుస్తకం అచ్చయ్యాక కూడా సిరా విలువ తగ్గదు..రాయించిన చేతికి కృతజ్ఞత చెప్పడమే కవి లక్షణం..పేరు ఇచ్చిన సిరాను పదిలంగా చూసుకోవడమే ధర్మం..అక్షరం నేర్పిన గురువును గుండెల్లో పెట్టుకోవాలి..ఊపిరి పోసిన ఊటను ఎప్పుడూ మర్చిపోకూడదు..ఎందుకంటే సిరా లేకుండా కలం కథ రాయలేదు..చుక్క లేకుండా చరిత్ర మొదలవ్వదు..నిన్ను నింపిన సిరాను ప్రేమిస్తే..నీ కలం ఎప్పుడూ రాస్తూనే ఉంటుంది..కాబట్టి నీ అక్షరానికి ప్రాణం పోసిన చుక్కను..జీవితాంతం జాగ్రత్తగా చూసుకో..*నిన్ను రాసిన సిరాను గౌరవిస్తే..నీ పేరు కాలంతో పాటు నిలిచిపోతుంది...*ఇట్లు..మీ..✍🏻 రఘురాం*
19)దాహం తీరినా తాడును దాచుకోవాలి..ఎండిపోయిన గొంతుతో ఉన్నప్పుడు ఆ నులక తాడే నీరు ఇచ్చింది..బావిలో పడిపోతానని ఉన్నప్పుడు ఆ తాడే ఆసరా అయ్యింది..ప్రాణం మీదకు వచ్చినప్పుడు ఆ పాత తాడే పైకి లాగింది..కడుపు నిండినా కాపాడిన తాడు విలువ తెలియాలి..పైకి లాగిన చేతికి కృతజ్ఞతగా ఉండడమే మానవత్వం..బతికించిన తాడును భద్రంగా చూసుకోవడమే బుద్ధి..దాహం తీర్చిన బావిని ప్రేమించడమే సంస్కారం..ప్రాణం పోసిన తాడును ఎప్పుడూ మర్చిపోకూడదు..ఎందుకంటే ఎండాకాలం మళ్లీ వస్తుంది..గొంతు మళ్లీ ఎండిపోతుంది..దాచుకున్న తాడు ఉంటే..ఆ బావి నీళ్లు మళ్లీ తాగొచ్చు..కాబట్టి నిన్ను కాపాడిన తాడును..ఎప్పుడూ జాగ్రత్తగా ఉంచుకో..*ప్రాణం పోసిన తాడును పదిలంగా ఉంచుకుంటే..జీవితంలో ఎప్పుడూ దాహం వేయదు...*ఇట్లు..మీ..✍🏻 రఘురాం*
20)వాన తగ్గినా గొడుగును గౌరవించాలి..ఉరుములు ఉరిమినప్పుడు ఆ గొడుగే నీకు నీడ అయ్యింది..వడగళ్లు పడుతున్నప్పుడు ఆ రెక్కలే నిన్ను కాపాడాయి..తడిసిపోతానని ఉన్నప్పుడు ఆ చిన్న గొడుగే అండగా నిలిచింది..ఎండ వచ్చినా నీడ ఇచ్చిన గొడుగును మర్చిపోకూడదు..తలమీద పెట్టుకున్న గొడుగుకు కృతజ్ఞత చెప్పడమే నీతి..కాపాడిన రెక్కలను ప్రేమించడమే మానవత్వం..అవసరంలో ఆదుకున్న దాన్ని ఎప్పుడూ గుర్తుంచుకోవాలి..కాబట్టి మబ్బులు మళ్లీ కమ్మినప్పుడు..వాన మళ్లీ కురిసినప్పుడు..ఉరుములు మళ్లీ ఉరిమినప్పుడు..దాచుకున్న గొడుగే నిన్ను కాపాడుతుంది..ఎందుకంటే మంచి గొడుగు ఎప్పుడూ తోడుగానే ఉంటుంది..*నిన్ను తడవకుండా కాపాడిన నీడను ప్రేమిస్తే..జీవితంలో ఏ వానా నిన్ను తడపలేదు...*ఇట్లు..మీ..✍🏻 రఘురాం*
21)దారి దాటినా చెప్పును చూసుకోవాలి..ముళ్లబాటలో నడుస్తున్నప్పుడు ఆ చెప్పులే నిన్ను కాపాడాయి..రాళ్ళు గుచ్చుకుంటున్నప్పుడు ఆ తోలే నీకు రక్షణ ఇచ్చింది..మంటలో నడుస్తున్నప్పుడు ఆ చెప్పులే నీకు తోడుగా నిలిచాయి..ఇల్లు చేరాక కూడా కాపాడిన చెప్పును గౌరవించాలి..కాళ్ళను కాపాడిన తోలుకు కృతజ్ఞత చెప్పడమే ధర్మం..గుచ్చుకోకుండా నడిపించిన చెప్పును ప్రేమించడమే విలువ..అవసరంలో అండగా నిలిచిన దాన్ని మర్చిపోకూడదు..ఎందుకంటే జీవితం అంతా పూలబాట కాదు..ముళ్ళు మళ్లీ ఎదురవుతాయి..రాళ్ళు మళ్లీ తగులుతాయి..దాచుకున్న చెప్పులు ఉంటే..ఏ ముళ్లూ నిన్ను బాధించలేదు..కాబట్టి నిన్ను నడిపించిన అడుగును..ఎప్పుడూ పదిలంగా చూసుకో..*నడిపించిన చెప్పును గౌరవిస్తే..జీవితంలో ఏ ముళ్లూ నీ దారికి అడ్డురావు...*ఇట్లు..మీ..✍🏻 రఘురాం*
22)ఆవలి ఒడ్డుకు చేరినా వంతెనను మర్చిపోకూడదు..వరద ఉప్పొంగినప్పుడు ఆ వంతెనే నీకు దారి చూపింది..ఈదలేక ఉన్నప్పుడు ఆ చెక్క వంతెనే నిన్ను దాటించింది..అవతలి గట్టు దూరంగా ఉన్నప్పుడు ఆ వారధే నిన్ను చేర్చింది..ఒడ్డు ఎక్కాక కూడా దాటించిన వంతెనకు కృతజ్ఞత చెప్పాలి..కష్టం దాటించిన దారిని గౌరవించడమే సంస్కారం..ఆధారం ఇచ్చిన వంతెనను ప్రేమించడమే విలువ..నడిపించిన దారిని ఎప్పుడూ గుర్తుంచుకోవాలి..ఎదుటి ఒడ్డుకు చేర్చిన వంతెనకు విలువ ఇవ్వాలి..ఎందుకంటే నది ఒక్కసారి దాటేది కాదు..వరద మళ్లీ వస్తుంది..దారి మళ్లీ కావాలి..కాపాడుకున్న వంతెన ఉంటే..ఏ వరదా నిన్ను ఆపలేదు..కాబట్టి నిన్ను దాటించిన వారధిని..ఎప్పుడూ పదిలంగా చూసుకో..*నిన్ను దాటించిన దారిని ప్రేమిస్తే..జీవితంలో ఏ నదీ నిన్ను ఆపలేదు...*ఇట్లు..మీ..✍🏻 రఘురాం*
23)ముఖం అందంగా ఉన్నా అద్దాన్ని గౌరవించాలి..మసి అంటినప్పుడు ఆ అద్దమే నీకు నిజం చూపించింది..మురికి పట్టినప్పుడు ఆ గాజే నీకు తప్పు చెప్పింది..అందంగా ఉండాలన్నప్పుడు ఆ అద్దమే నీకు తోడుగా నిలిచింది..అందం వచ్చాక కూడా నిజం చెప్పిన అద్దం విలువ తెలియాలి..ముడతలు చూపించినా అద్దాన్ని ప్రేమించడమే విజ్ఞత..వయసు తెలిపినా అద్దాన్ని గౌరవించడమే సంస్కారం..లోపం చూపిస్తే అద్దానికి కృతజ్ఞత చెప్పాలి..నిజం చేదుగా ఉన్నా నిజం చెప్పినవాడిని ప్రేమించాలి..ఎందుకంటే అద్దం లేకపోతే నీ అందం నీకే తెలియదు..నిజం లేకపోతే నువ్వు ఎదగలేవు..ప్రేమించిన అద్దంలో నీ జీవితం అందంగా కనిపిస్తుంది..కాబట్టి నీకు నిజం చూపిన అద్దాన్ని..ఎప్పుడూ జాగ్రత్తగా చూసుకో..*నిజం చూపిన అద్దాన్ని గౌరవిస్తే..జీవితాంతం నీ ముఖంలో చిరునవ్వు ఉంటుంది...*ఇట్లు..మీ..✍🏻 రఘురాం*
24)మిద్దె కట్టినా పునాదిని ప్రేమించాలి..నేలలో ఉన్న ఆ పునాదే నీ భారాన్ని మోసింది..వానకు ఎండకు ఆ పునాదే నిన్ను నిలబెట్టింది..భూకంపం వచ్చినా కదలకుండా ఆ పునాదే నిన్ను కాపాడింది..పై అంతస్తులు లేచినా కూడా కింద ఉన్న పునాదిని మర్చిపోకూడదు..అందమైన గోడలు కట్టినా అసలు ఆధారాన్ని గౌరవించాలి..పైపై మెరుగులు ఉన్నా లోపలి బలాన్ని ప్రేమించాలి..నిలబెట్టిన రాయికి కృతజ్ఞత చెప్పడమే ధర్మం..మూలాన్ని గుర్తుంచుకుని మిద్దె మీద సంతోషించాలి..ఎందుకంటే పునాది ఉంటేనే మిద్దె నిలబడుతుంది..కింద బలంగా ఉంటే పైన ఉన్నదంతా సురక్షితం..ప్రేమించిన పునాది మీద కట్టిన మేడ ఎప్పుడూ కూలదు..కాబట్టి నిన్ను నిలబెట్టిన పునాదిని..ఎప్పుడూ గుండెల్లో పెట్టుకో..*నిన్ను నిలబెట్టిన పునాదిని ప్రేమిస్తే..నువ్వు కట్టుకున్న జీవితం ఎప్పటికీ చెక్కుచెదరదు...*ఇట్లు..మీ..✍🏻 రఘురాం*
25)ఈ ప్రపంచంలో గొప్పవాళ్లు అంటే ఎక్కువ సంపాదించిన వాళ్లు కాదు..తమ దగ్గర ఉన్న కొద్దిలో కూడా ఇంకొకరి ఆకలి తీర్చిన వాళ్లు..ఎందుకంటే కడుపు నిండినవాడికి భోజనం పెట్టడం దానం కావచ్చు..కానీ ఆకలితో ఉన్న ప్రాణికి ఒక ముద్ద పెట్టడం జీవితం ఇవ్వడమే..మనిషి గొప్పతనం అతని మాటల్లో కనిపించదు..అతని హృదయంలో ఉన్న కరుణలో కనిపిస్తుంది..ఎదుటివాడు మనిషైనా..మూగజీవైనా..బాధ ఒకటే..ఆకలి ఒకటే..ప్రేమ కోసం ఎదురుచూపు ఒకటే..మన దగ్గర ఎంత ఉందనేది కాలం మర్చిపోతుంది..కానీ మనం ఎవరి కన్నీరు తుడిచామో..ఎవరి ఆకలి తీర్చామో..అది ఎప్పటికీ మర్చిపోదు..జీవితంలో పేరుకన్నా ప్రేమ సంపాదించు..డబ్బుకన్నా దయ పంచు..ఎందుకంటే చివరికి మన వెంట వచ్చేది సంపద కాదు..మన వల్ల నవ్విన ముఖాలు..మన వల్ల బతికిన ప్రాణాలు..మన వల్ల పొందిన ఆశీర్వాదాలే..అవి సంపాదించినవాడే నిజంగా అదృష్టవంతుడు..*ఇట్లు..మీ..✍🏻 రఘురాం*
26)జీవితంలో మనం ఎంత ఎత్తుకు ఎదిగామన్నది ముఖ్యం కాదు..మన వల్ల ఎంతమంది నిలబడ్డారన్నదే ముఖ్యం..ఎందుకంటే ఆకలితో ఉన్న కడుపుకు అన్నం పెట్టిన చేయి..బాధలో ఉన్న గుండెకు ధైర్యం చెప్పిన మాట..ఆశ కోల్పోయిన ప్రాణానికి అండగా నిలిచిన మనసు..ఇవే నిజమైన సంపదలు..ఈ ప్రపంచం నీ డబ్బును లెక్కపెడుతుంది..కానీ కాలం నీ మంచితనాన్ని గుర్తుంచుకుంటుంది..మనం వెళ్ళిపోయిన తర్వాత కూడా మన పేరు నిలవాలంటే పెద్ద పనులు చేయాల్సిన అవసరం లేదు..ఎదురుగా కనిపించిన బాధను మన బాధగా భావించే హృదయం ఉంటే చాలు..ఎందుకంటే మనిషి విలువ అతను ఎంత సంపాదించాడనే దాంట్లో లేదు..ఎంత ప్రేమ పంచాడనే దాంట్లో ఉంది..బతికినన్ని రోజులు మన కోసం కాకుండా..మన వల్ల ఇంకో ప్రాణం నవ్వేలా జీవించగలిగితే..అదే జీవితానికి అసలైన అర్థం..*ఇట్లు..మీ..✍🏻 రఘురాం*
27)ఆకలితో ఉన్న మూగజీవికి ఒక ముద్ద అన్నం పెట్టిన క్షణంలోనే మనిషిలోని మానవత్వం వెలుగుతుంది..దేవుడిని వెతుక్కుంటూ గుడులు తిరగాల్సిన అవసరం లేదు..ఆకలితో ఎదురుచూస్తున్న ప్రాణి కడుపు నింపిన చోటే దేవుడు నివసిస్తాడు..భక్తి అంటే కేవలం చేతులు జోడించడం కాదు..బాధలో ఉన్న జీవికి చేయూత ఇవ్వడం..మాటలు చెప్పలేని ఆ మూగజీవుల కళ్లలో కనిపించే కృతజ్ఞత..వేల ప్రార్థనల కంటే గొప్పది..దీపం వెలిగిస్తే చీకటి పోతుంది..కానీ దయ చూపిస్తే జీవితాలు వెలుగుతాయి..మన దగ్గర ఉన్నది ఎంత అన్నది కాదు..మనసులో ఉన్న ప్రేమ ఎంత అన్నదే ముఖ్యం..ఒక ముద్ద ఆహారం..ఒక చుక్క నీరు..ఒక క్షణం కరుణ..ఎన్నో ప్రాణాలకు ఆశగా మారుతాయి..శివుడి ఆశీర్వాదం కావాలంటే శివుడి సృష్టిని ప్రేమించాలి..ఎందుకంటే కరుణ ఉన్న హృదయం కన్నా పవిత్రమైన ఆలయం లేదు..సహాయం చేసే చేయి కన్నా గొప్ప పూజ లేదు..మూగజీవుల పట్ల ప్రేమ చూపించు..ఆ ప్రేమలోనే పరమశివుని నిజమైన రూపం కనిపిస్తుంది..*ఇట్లు..మీ..✍🏻 రఘురాం 🙏*
28)మనసు ఉన్న చోటే మానవత్వం ఉంటుంది..ఈ లోకంలో అందంగా కనిపించేది ముఖం కాదు..ఇతరుల బాధను చూసి కరిగిపోయే మనసు..ఎందుకంటే నవ్వుతూ ఉన్న వాళ్లతో అందరూ ఉంటారు..కానీ బాధలో ఉన్నప్పుడు అండగా నిలిచేవాళ్లే నిజమైన మనుషులు..జీవితంలో మనం ఎంత సంపాదించామన్నది ఒకరోజు మరచిపోతారు..కానీ మన వల్ల ఎవరో ఒకరు నవ్వారంటే అది ఎప్పటికీ గుర్తుంటుంది..ప్రేమ పంచడానికి ధనవంతుడు కావాల్సిన అవసరం లేదు..మంచి మనసు ఉంటే చాలు..ఎందుకంటే చిన్న సహాయం కూడా ఎవరికో పెద్ద ఆశగా మారుతుంది..ఒక మంచి మాట ఎవరికో కొత్త ధైర్యం అవుతుంది..మన వల్ల ఒక ప్రాణం సంతోషిస్తే..అదే మన జీవితానికి నిజమైన విజయం..*ఇట్లు..మీ..✍🏻 రఘురాం*
29)మంచితనం ఎప్పుడూ వృథా కాదు..నువ్వు చేసిన మంచి వెంటనే తిరిగి రావాలని ఆశించకు..ఎందుకంటే విత్తనం నాటిన రోజే చెట్టు నీడ ఇవ్వదు..కానీ ఒకరోజు అది వందమందికి చల్లని నీడ ఇస్తుంది..అలాగే నువ్వు పంచిన ప్రేమ..చూపిన దయ..చేసిన సహాయం కూడా ఎప్పటికైనా నీ జీవితాన్ని వెలిగిస్తాయి..ఎవరూ చూడకపోయినా..ఎవరూ మెచ్చుకోకపోయినా..మంచి చేయడం ఆపకు..ఎందుకంటే మనిషి గొప్పతనం అతని సంపదలో కాదు..అతని హృదయంలో దాగి ఉన్న కరుణలో ఉంటుంది..చివరికి మన వెంట వచ్చేది డబ్బు కాదు..మన వల్ల సంతోషించిన మనసుల ఆశీర్వాదాలే..*ఇట్లు..మీ..✍🏻 రఘురాం*
30)జీవితం చిన్నదే...కానీ మనసు పెద్దదిగా ఉంచు 🌿
మనకు ఉన్న సమయం చాలా తక్కువ..అందుకే ద్వేషం కోసం కాదు..ప్రేమ కోసం జీవించాలి..ఎందుకంటే కోపం మనిషిని ఒంటరిగా చేస్తుంది..ప్రేమ మనిషిని అందరికీ దగ్గర చేస్తుంది..ఈరోజు మనం ఎవరికైనా ఇచ్చిన చిన్న సహాయం..రేపు వాళ్ల జీవితంలో పెద్ద వెలుగవచ్చు..అందుకే ఎవరో చేస్తారని ఎదురుచూడకు..నీకు చేతనైన మంచి నువ్వే చేయి..ఎందుకంటే చీకటిని తిట్టడం కంటే ఒక చిన్న దీపం వెలిగించడం గొప్పది..అలాగే ప్రపంచాన్ని మార్చాలని అనుకోవడం కంటే..ఒక్క ప్రాణం ముఖంలో నవ్వు తీసుకురావడం గొప్పది..*ఇట్లు..మీ..✍🏻 రఘురాం*
31)మనిషి విలువ అతని హృదయంలో ఉంటుంది..జీవితంలో పెద్ద ఇల్లు ఉండొచ్చు..ఎక్కువ డబ్బు ఉండొచ్చు..గొప్ప పేరు ఉండొచ్చు..కానీ మంచి మనసు లేకపోతే అవన్నీ అసంపూర్ణమే..ఎందుకంటే ఆకలితో ఉన్నవాడికి అన్నం పెట్టిన చేయి..బాధలో ఉన్నవాడికి భరోసా ఇచ్చిన మాట..కన్నీరు తుడిచిన హృదయం..ఇవే నిజమైన సంపదలు..మనం వెళ్ళిపోయాక కూడా మన పేరు గుర్తుండాలంటే పెద్ద విజయాలు అవసరం లేదు..మన వల్ల ఎవరో ఒకరు "ఆ మనిషి వల్ల నేను నవ్వాను" అని చెప్పుకుంటే చాలు..అదే జీవితానికి అర్థం..అదే మనిషిగా పుట్టినందుకు గొప్పతనం..*ఇట్లు..మీ..✍🏻 రఘురాం*
32)మనం వెళ్ళిపోయాక కూడా మిగిలేది మన మంచితనమే..జీవితంలో ఎంతకాలం బతికామన్నది కాదు..ఎలా బతికామన్నదే ముఖ్యం..ఎందుకంటే కాలం మన వయసును గుర్తుంచుకోదు..కానీ మన వల్ల నవ్విన ముఖాలను మాత్రం గుర్తుంచుకుంటుంది..మన దగ్గర ఎంత ఉందో ప్రపంచం అడుగుతుంది..కానీ మనం ఎంత పంచామో మనసులు గుర్తుంచుకుంటాయి..ఒక చిన్న సహాయం..ఒక ప్రేమతో కూడిన మాట..ఒక కరుణతో నిండిన చూపు..ఎవరికో జీవితాంతం గుర్తుండిపోయే జ్ఞాపకం అవుతాయి..అందుకే మంచి చేయడానికి పెద్ద కారణాలు వెతకకు..మనసు చెప్పిన చోట కరుణ చూపించు..ఎందుకంటే మనం సంపాదించినది ఒకరోజు మాయమవుతుంది..కానీ మనం పంచిన ప్రేమ శాశ్వతంగా మిగిలిపోతుంది..*ఇట్లు..మీ..✍🏻 రఘురాం*
33)ప్రేమ పంచినవాడే నిజమైన ధనవంతుడు..ప్రపంచంలో డబ్బు సంపాదించడం గొప్ప కాదు..మనుషుల మనసులు సంపాదించడం గొప్ప..ఎందుకంటే డబ్బు అవసరాలను తీరుస్తుంది..కానీ ప్రేమ జీవితాలను మారుస్తుంది..నీ చేతిలో ఉన్నది కొద్దైనా పర్వాలేదు..నీ హృదయంలో కరుణ ఉంటే చాలు..ఆ కరుణ ఎవరికో ఆశ అవుతుంది..ఎవరికో ధైర్యం అవుతుంది..ఎవరికో బతకడానికి కారణం అవుతుంది..మనిషి జీవితంలో నిజమైన విజయమంటే ఎత్తైన స్థాయికి చేరడం కాదు..తనతో పాటు ఇంకొకరిని పైకి తీసుకెళ్లడం..అదే మానవత్వం..అదే మనిషిగా పుట్టిన గొప్పతనం..*ఇట్లు..మీ..✍🏻 రఘురాం*
34)మంచి మనసుకు మించిన అందం లేదు..అందమైన ముఖాన్ని కాలం మార్చేస్తుంది..బలమైన శరీరాన్ని వయసు మార్చేస్తుంది..కానీ మంచి హృదయాన్ని ఏదీ మార్చలేడు..ఎందుకంటే కరుణతో నిండిన మనసు ఎప్పటికీ అందంగానే ఉంటుంది..జీవితంలో అందరూ మన విజయాలను గుర్తుపెట్టుకోకపోవచ్చు..కానీ కష్టాల్లో మనం ఇచ్చిన అండను మాత్రం ఎప్పటికీ మర్చిపోరు..అందుకే గొప్పవాడిగా కనిపించడానికి ప్రయత్నించకు..మంచివాడిగా ఉండడానికి ప్రయత్నించు..ఎందుకంటే గొప్పతనం కళ్లకు కనిపిస్తుంది..మంచితనం హృదయాలకు తాకుతుంది..*ఇట్లు..మీ..✍🏻 రఘురాం*
35)మనసు తలుపులు తెరిచి ఉంచు..ఈ ప్రపంచంలో అందరికీ ఏదో ఒక లోటు ఉంటుంది..కానీ ప్రేమకు మాత్రం లోటు ఉండకూడదు..ఎందుకంటే ప్రేమ కోసం ఎదురుచూసే గుండెలు చాలా ఉంటాయి..కానీ ప్రేమ పంచే మనసులు చాలా తక్కువ..నీ జీవితంలో వెలుగు కావాలంటే ముందు ఎవరి జీవితంలోనో వెలుగు నింపు..నీకు ఆనందం కావాలంటే ముందు ఎవరికో ఆనందం పంచు..ఎందుకంటే సంతోషం తీసుకోవడంలో కాదు..ఇవ్వడంలో ఉంది..మనిషి బతికినంతకాలం తనకోసం బతకగలడు..కానీ ఇంకొకరి కోసం బతికిన క్షణాలే అతన్ని ప్రత్యేకంగా నిలబెడతాయి..*ఇట్లు..మీ..✍🏻 రఘురాం*
36)గుండె ఉన్నవాడు అర్థం చేసుకుంటాడు..ప్రతి ఆకలి అన్నం కోసం కాదు..కొన్ని ఆకళ్లు ప్రేమ కోసం ఉంటాయి..ప్రతి కన్నీరు బాధ వల్ల కాదు..కొన్ని కన్నీళ్లు ఆదరణ కోసం వస్తాయి..ప్రతి జీవి మాట్లాడక పోవచ్చు..కానీ ప్రతి ప్రాణం ప్రేమను అర్థం చేసుకుంటుంది..అందుకే నీ మాటల కంటే నీ మనసు గొప్పది కావాలి..నీ సంపద కంటే నీ దయ పెద్దది కావాలి..ఎందుకంటే జీవితంలో మనం మిగిల్చేది ఆస్తులు కాదు..మనసుల్లో వేసిన ముద్రలు..అందుకే మంచి చేయి..ప్రేమ పంచు..కరుణ చూపు..నీ పేరు మరచిపోయినా..నీ మంచితనం మాత్రం ఎప్పటికీ గుర్తుండిపోతుంది..*ఇట్లు..మీ..✍🏻 రఘురాం*
37)ఎందుకంటే జీవితంలో ఎవ్వరినైనా తగ్గించాలని ప్రయత్నించడం గొప్పతనం కాదు,మనలోని బలహీనతకు నిదర్శనం.పక్కవాడు ఎదుగుతున్నాడని బాధపడటం వల్ల నీ ఎదుగుదల ఒక్క అడుగు కూడా ముందుకు వెళ్లదు.ఎవరి వెలుగునైనా కప్పేయాలని చూసినా నీ వెలుగు మరింత ప్రకాశించదు.కాలం ప్రతి ఒక్కరికీ వారి విలువను నిరూపించుకునే అవకాశం ఇస్తుంది. అందుకే ఇతరులను అడ్డుకోవడంపై కాదు,నిన్ను నువ్వు మెరుగుపరుచుకోవడంపై దృష్టి పెట్టు. ఎందుకంటే ఎదుటివారిని ఓడించడం విజయం కాదు, నీలోని అహంకారాన్ని జయించడం నిజమైన విజయం. చివరికి మనిషిని పైకి తీసుకెళ్లేది ఆధిపత్యం కాదు అర్హత,నిలబెట్టేది శక్తి కాదు వ్యక్తిత్వం, గుర్తుండేది గొప్పతనం కాదు మంచితనం. అందుకే ఎవరినీ తగ్గించడానికి ప్రయత్నించకు...నిన్ను నువ్వు పెంచుకోవడానికి ప్రయత్నించు.ఎందుకంటే పర్వతం ఎత్తుగా నిలబడటానికి పక్కనున్న కొండలను కూల్చాల్సిన అవసరం ఉండదు...*ఇట్లు..మీ..✍🏻 రఘురాం*
38)నీ అహంకారంతో పక్కవాడిని అణిచివేయాలనుకుంటే... ఓడిపోయేది అతను కాదు,నువ్వే.ఎందుకంటే అద్దాన్ని కొట్టిన ప్రతిసారీ...గాయపడేది ప్రతిబింబం కాదు,నువ్వే.ఎందుకంటే జీవితంలో...ఎవ్వరినీ తగ్గించడం వల్ల మనం పెరగం,ఎవ్వరినీ ఆపడం వల్ల మనం ముందుకువెళ్లం.పక్కవాడి అడుగులను అడ్డుకున్నంత మాత్రాన నీ ప్రయాణం వేగం పెరగదు...పక్కవాడి వెలుగును కప్పేసినంత మాత్రాన నీ వెలుగు ప్రకాశించదు...కాలం చాలా గొప్ప గురువు... అది ఒక నిజాన్ని తప్పకుండా నిరూపిస్తుంది..ఎదుటివాడిని దాటిపోవాలని పరుగెత్తినవాడి కంటే,తనను తాను మెరుగుపరుచు కోవాలని నడిచినవాడే చాలా దూరం వెళ్తాడు.ఎందుకంటే...మనిషిని పైకి తీసుకెళ్లేది అహంకారం కాదు,అర్హత.నిలబెట్టేది ఆధిపత్యం కాదు, వ్యక్తిత్వం.చివరికి గుర్తుండేది గొప్పతనం కాదు...మంచితనం....ఇట్లు..మీ..✍🏻 *రఘురాం*
39)కొన్ని మాటలు నవ్వు తెప్పిస్తాయి కానీ వాటి వెనక దాగి ఉన్న నిజం మాత్రం గుండెను నొక్కేస్తుంది..మన జీవితంలో కూడా కొన్ని బంధాలు అచ్చం అలాంటివే..ఎదుటివాళ్లు మనల్ని ఉపయోగించు కుంటున్నారని తెలుసు..మన మంచితనాన్ని బలహీనతగా తీసుకుంటున్నారని తెలుసు..అవసరం ఉన్నప్పుడే గుర్తు చేసుకుంటారని కూడా తెలుసు అయినా వాళ్లు ఒక్కసారి పిలిస్తే చాలు మనసు మళ్ళీ వారి వైపే పరుగెత్తుతుంది..ఎందుకంటే మనం బంధాన్ని ప్రేమించాం వాళ్లు మాత్రం అవసరాన్ని ప్రేమించారు..వాళ్లకు అవసరం వచ్చినప్పుడల్లా మన తలుపు తట్టారు..మనం ప్రతిసారి చిరునవ్వుతో తలుపు తీశాం..అవసరం తీరాక మళ్ళీ దూరమవుతారు..మన విలువ మరిచిపోతారు..మన ప్రేమను మన బాధను పట్టించుకోరు అయినా మనం మారము ఎందుకంటే ప్రేమించడం మన స్వభావం మరిచిపోవడం కాదు కానీ ఒక నిజం మాత్రం ఎప్పటికైనా అర్థమవుతుంది..ఎదుటివాళ్లకు బంధం మీద విలువ లేనప్పుడు మనం ఎంత ప్రేమించినా..ఎన్ని నియమాలు పాటించినా..ఎన్ని అవకాశాలు ఇచ్చినా కూలిపోవాల్సిన బంధం కూలిపోతుంది..కొన్ని బంధాలు చెడిపోవడానికి
కారణం పరిస్థితులు కాదు..వాటిని కాపాడాలనే మనసు ఒక్కవైపు ఉండటమే..ఎక్కడో విన్నది చదివినది..*ఇట్లు..మీ..✍🏻 రఘురాం*
40)తల్లిదండ్రులు ఉన్నంతకాలం మనం పిల్లలమే,వాళ్ల నీడలో మనకు ఏ భయం ఉండదు,కానీ మనం ఉన్నంతకాలం వాళ్లు ఉండరు,అది కాలం రాసిన శాసనం,ఈరోజు వాళ్ల చేతి గోరుముద్ద తింటున్నాం,రేపు ఆ చెయ్యి ఉండకపోవచ్చు,ఈరోజు వాళ్ల మందలింపు వింటున్నాం,రేపు ఆ గొంతు వినిపించకపోవచ్చు,వాళ్లు అడక్కుండానే వాళ్ల అవసరం తెలుసుకో,వాళ్లు చెప్పకుండానే వాళ్ల బాధ అర్థం చేసుకో,వాళ్ల కళ్లలోని నీళ్లని నవ్వుగా మార్చు,వాళ్ల ముడతల్లో నీ భవిష్యత్తు ఉంది,పోయాక ఫోటోకి దండ వేసి ఏడిస్తే ఏం లాభం,బతికుండగానే గుండెల్లో గుడి కట్టు,ఎందుకంటే తల్లిదండ్రులు దేవుడికి ప్రతిరూపం,వాళ్లని చూసుకో,అదే నీకు మోక్షం..*ఇట్లు..మీ..✍🏻 రఘురాం*
41)నిన్న నువ్వు తప్పించుకున్న బాధ్యతే నేడు నీ కష్టంగా మారి నీ ముందు నిలబడింది..చేయాల్సిన పనిని వాయిదా వేస్తే అది వడ్డీతో సహా తిరిగి వచ్చి నీ గుమ్మం తడుతుంది..ఈ జన్మలో పడే ప్రతి కష్టం వెనక గతంలో మనం తిరగేసిన బాధ్యత ఉంది..బరువు దించేస్తే అది బరువుగానే నీ భుజాల మీద కూర్చుంటుంది..పారిపోయిన పని నీడలా వెంటపడుతుంది కర్మ ఎవరినీ వదిలిపెట్టదు..ఈ రోజు నువ్వు ఎవరికి సహాయం చేయవో రేపు నీకు సహాయం ఆగిపోతుంది..మనం నాటిన విత్తనమే మనకు పంటగా మారుతుంది..కష్టం శిక్ష కాదు మనం మర్చిపోయిన పనికి రిమైండర్..బాధ్యతను ఎత్తుకుంటే కష్టం కరిగిపోతుంది..తప్పించుకుంటే అదే కొండలా నీ మీద పడుతుంది..నీ జీవితపు లెక్కలన్నీ నీ చేతుల్లోనే ఉన్నాయి..బాధ్యతను భుజాన వేయని వాడికి కష్టం తప్ప మరో గతి ఉండదు...*ఇట్లు..మీ..✍🏻 రఘురాం*
42)జీవితంలో పరిచయాలు రకరకాలు..మంచి చేసేవారు మోసం చేసేవారు సాయం చేసేవారు సాయం కోరేవారు..ఎవరి పని ఎంతవరకు ఉంటుందో అంతవరకే వారి నడక సాగుతుంది..వచ్చి పోయేవారి కోసం ఆలోచనలను వృధా చేయడం వృధా..మోసపోయామని ఆవేశం వద్దు నాశనం చేస్తామని శపథాలు వద్దు..కష్టంలో చేయి పట్టినవారు..కన్నీళ్లలో ధైర్యం చెప్పినవారు,ప్రతిఫలం ఆశించకుండా మంచి చేసినవారు మాత్రం మరచిపోకుండా ఉంటారు..ఋణం డబ్బుతో తీర్చవచ్చు,మనసుతో చేసిన సాయం జీవితాంతం గుండెల్లో నిలుస్తుంది..అడగకుండా ఇచ్చిన ధైర్యం..కాలం గడిచినా వాడిపోదు..నమ్మకాన్ని వాడుకుని మోసం చేసేవారు అవసరం తీరాక దూరమయ్యేవారు,మనసు గాయపరిచేవారు ఎదురైనా..కోపం అవసరం లేదు..కర్మకి జ్ఞాపకం చాలా ఎక్కువ..కాలం మర్చిపోవచ్చు కర్మ మర్చిపోదు..చేసిన మంచికి రెట్టింపు మేలు చేసి కర్మ తిరిగి ఇస్తుంది..చేసిన కీడుకి రెట్టింపు కీడు చేసి కర్మ తిరిగి ఇస్తుంది..ఎవరి వెనకా పడకుండా,ఎవరి పతనం కోసం ఎదురుచూడకుండా దారి తానే చూసుకుంటుంది..మంచి చేసినవారిని గుండెల్లో పెట్టుకుంటుంది కీడు చేసినవారిని కర్మకి వదిలేస్తుంది..ప్రతీకారం మీద నమ్మకం వద్దు..కర్మ మీద నమ్మకం ఉంటే చాలు..కర్మ ఇచ్చే తీర్పు చాలా భయంకరమైనది...*ఇట్లు..మీ..✍🏻 రఘురాం*
43)ఇది మగవాడికి అంకితం..మగవాడంటే భరించే యంత్రం కాదు బాధపడే గుండె కలిగిన మనిషి..ఏడవకు అనే ఒక్క మాటతో చిన్నప్పటి నుంచే కన్నీటికి తాళం వేశారు..కారని కన్నీరు గుండెల్లో సుడిగుండంగా మారిపోయింది..నవ్వు ముసుగులో రాత్రంతా తనతోనే యుద్ధం చేస్తాడు..కుటుంబం అనే పదానికి మగవాడు తన కలను తాకట్టు పెట్టేస్తాడు..పిల్లల కలలు తల్లిదండ్రుల బాగోగులు,సహచరి భద్రత అన్నీ మగవాడి భుజం మీదే ఊగుతాయి..సమాజం మగవాడి మౌనాన్ని బలం అంటుంది అరిచినా వినదు..వయసు పెరిగేకొద్దీ మగవాడి మాట చచ్చిపోతుంది ఒంటరితనం పెరుగుతుంది..బలం అంటే రాయిలా ఉండడం కాదు విరిగిపోయాను అని ఒప్పుకోగలగడం..ఒక్క ప్రశ్న చాలు నువ్వు నిజంగా ఎలా ఉన్నావు అని అడిగే గుండె చాలు..సలహాలు వద్దు తీర్పులు వద్దు మౌనంగా పక్కన కూర్చునే చేయి చాలు...మగవాడి గుండెకు కూడా స్పర్శ కావాలి..వినే చెవి దొరికితే విరిగిన వాడు మళ్లీ సింహంలా లేస్తాడు..మగవాడు బ్రతకాలంటే మాట వినేవారు కావాలి...ఇట్లు..మీ..✍🏻 రఘురాం*
44)ఇది రోజంతా అందరికీ ఇచ్చి తనకు మిగిలేది ఏమీ లేని ఆడవాళ్ళకి అంకితం..పొద్దుపొడిచే లోపు లేచి అందరి ఆకలి తీర్చే ఆమె ఆకలి గురించి ఎవరూ అడగరు..నొప్పి వచ్చినా ఇది సాధారణం అని నవ్వేసి పని చేసేస్తూ ఉంటుంది..తన కలలు ఎప్పుడో తలుపు వెనక వదిలేసి ఇంటి కలను మోస్తూ బతుకుతుంది..అందరి సంతోషం ఆమె సంతోషంగా మారిపోయింది అందరి కన్నీరు ఆమె ఒడిలో ఆరిపోతుంది..సమాజం ఆమెను అమ్మ అంటుంది అలసిపోయాను అంటే మాత్రం అది నీ బాధ్యత కదా అంటుంది..వయసు పెరిగేకొద్దీ ఆమె కోరికలు చచ్చిపోతాయి కోపం కూడా కన్నీరుగా మారిపోతుంది..బలం అంటే అన్నీ ఒంటరిగా మోయడం కాదు మోయలేను అని చెప్పగలగడం..ఒక్క క్షణం చాలు ఆమె కళ్లలోకి చూసి నిజంగా బాగున్నావా అని అడిగే మనసు చాలు..సలహాలు వద్దు సానుభూతి వద్దు మౌనంగా చేయి పట్టుకునే మనిషి చాలు..ఆమె రాయి కాదు మాంసం రక్తం ఉన్న గుండె..ఆమెను దేవత అని దూరం పెట్టకండి మనిషిగా దగ్గరకు తీయండి..వినే చెవి దొరికితే ఆమె చీలిన గుండె మళ్లీ తామరలా విచ్చుకుంటుంది..ఒక్క మాట చాలు..ఒక్క అర్థం చాలు..ఆమె బతుకు మళ్లీ పండగ అవుతుంది..*ఇట్లు..మీ..✍🏻 రఘురాం*
No comments:
Post a Comment